మధుమేహం శాపం కాదు… సరైన అవగాహనే రక్షా కవచం!

खबर की मुख्य बातें

• షుగర్ వ్యాధి వైద్యానికి ఇన్సులిన్‌ను కనుగొన్న శాస్త్రవేత్త ఫ్రెడరిక్ బాంటింగ్ జన్మదిన సందర్భంగా ప్రపంచవ్యాప్తంగా 1991 నుంచి మధుమేహ వ్యాధి దినోత్సవాన్ని జరుపుకుంటున్నాం మధుమేహంపై అవగాహన, నివారణ, ముందస్తు గుర్తింపు, సరైన చికిత్స ప్రాధాన్యతను ప్రజలకు తెలియజేయడం దీని లక్ష్యం.
• ఈ సంవత్సరం నినాదం: “ముందస్తు గుర్తింపు – సత్వర రక్షణ: మధుమేహంపై ముందస్తు చర్యలే మేలు” మధుమేహం ఒకే రోజులో రాదు.
• రక్తంలో చక్కెర స్థాయిలు సాధారణం కంటే ఎక్కువగా ఉండి, మధుమేహ స్థాయికి చేరని స్థితిని 'ప్రీ-డయాబెటిస్' అంటారు.

షుగర్ వ్యాధి వైద్యానికి ఇన్సులిన్‌ను కనుగొన్న శాస్త్రవేత్త ఫ్రెడరిక్ బాంటింగ్ జన్మదిన సందర్భంగా ప్రపంచవ్యాప్తంగా 1991 నుంచి మధుమేహ వ్యాధి దినోత్సవాన్ని జరుపుకుంటున్నాం
మధుమేహంపై అవగాహన, నివారణ, ముందస్తు గుర్తింపు, సరైన చికిత్స ప్రాధాన్యతను ప్రజలకు తెలియజేయడం దీని లక్ష్యం.
ఈ సంవత్సరం నినాదం: “ముందస్తు గుర్తింపు – సత్వర రక్షణ: మధుమేహంపై ముందస్తు చర్యలే మేలు”
మధుమేహం ఒకే రోజులో రాదు. రక్తంలో చక్కెర స్థాయిలు సాధారణం కంటే ఎక్కువగా ఉండి, మధుమేహ స్థాయికి చేరని స్థితిని ‘ప్రీ-డయాబెటిస్’ అంటారు. ఈ దశలోనే జాగ్రత్త పడితే మధుమేహం రాకుండా ఆపవచ్చు.
మధుమేహం ఒకసారి వచ్చి ముదిరిపోయే వరకు వేచి చూడటం కంటే, ప్రారంభ దశలోనే గుర్తించి జీవనశైలి మార్పులతో దాన్ని నియంత్రించడం లేదా వెనక్కి తిప్పడం (Reversal) సాధ్యం.
​ప్రపంచ మధుమేహ దినోత్సవం సందర్భంగా మనం గుర్తుంచుకోవాల్సిన అతిపెద్ద నిజం: “మధుమేహం జీవితానికి ముగింపు కాదు… ఒక సరికొత్త, క్రమశిక్షణతో కూడిన ఆరోగ్యకరమైన జీవనశైలికి నాంది.” మన దేశంలో షుగర్ బాధితుల సంఖ్య పెరుగుతున్నప్పటికీ, ఆధునిక వైద్య విజ్ఞానం, జీవనశైలి మార్పులతో దీనిని సమర్థవంతంగా నియంత్రించవచ్చు. భయం వీడి, బాధ్యతగా అడుగులు వేస్తే మధుమేహం మనల్ని ఏమీ చేయలేదు.
​మధుమేహాన్ని అదుపులో ఉంచుతూ నిండు నూరేళ్లు ఆరోగ్యంగా జీవించడానికి 5 రాజమార్గాలు:
​నిత్య నడక – సహజ ఔషధం:
ప్రతిరోజూ ఉదయం లేదా సాయంత్రం కనీసం 35 నుండి 45 నిమిషాల పాటు వేగంగా నడవాలి. నడక వల్ల రక్తంలోని గ్లూకోజ్ సహజంగా ఖర్చవుతుంది, బరువు అదుపులో ఉంటుంది మరియు ఇన్సులిన్ సమర్థవంతంగా పనిచేస్తుంది.
సమతుల్య ఆహారం:
ప్లేటు నిండా తెల్లటి అన్నం కాకుండా… సగం ప్లేటు ఆకుకూరలు, తాజా కూరగాయలతో నింపాలి. తీపి పదార్థాలు, బేకరీ తిళ్లు, నూనెలో వేయించిన వంటకాలు బాగా తగ్గించాలి. ముడి ధాన్యాలు, మొలకలు, పీచు పదార్థాలు ఎక్కువగా తీసుకోవాలి.
ముందస్తు పరీక్షలు:
30 ఏళ్లు దాటిన ప్రతి ఒక్కరూ ఏడాదికి ఒకసారైనా రక్తంలో చక్కెర స్థాయిలు (ఫాస్టింగ్, పోస్ట్ లంచ్), మూడు నెలల సగటు (HbA1c) పరీక్షలు చేయించుకోవాలి. సమస్యను ప్రారంభంలోనే గుర్తిస్తే గుండె, కళ్లు, కిడ్నీలపై దుష్ప్రభావాలు పడకుండా పూర్తిగా అడ్డుకోవచ్చు.

​శాస్త్రీయ చికిత్స – మానసిక ఉల్లాసం:
అశాస్త్రీయ చిట్కాలు, నాటు మందులు నమ్మి విలువైన ఆరోగ్యాన్ని పాడుచేసుకోవద్దు. వైద్యుల సలహా మేరకు క్రమం తప్పకుండా మందులు వాడాలి. ఒత్తిడిని తగ్గించుకుని, రోజూ కాళ్లను శుభ్రంగా ఉంచుకుంటూ తగిన జాగ్రత్తలు తీసుకోవాలి.
5. జీవనశైలి… ధూమ పానానికి, మద్యపానానికి దూరంగా ఉండాలి. పొగాకును ఏ రూపంలో కూడా తీసుకోకూడదు. ఊబకాయము ఉండకూడదు. రోజుకు సరిపోయిన నిద్ర ఉండాలి. మానసిక ప్రశాంతత ఉండాలి.
​మధుమేహం ఉన్నప్పటికీ క్రమబద్ధమైన ఆహారం, వ్యాయామం, సకాల పర్యవేక్షణ ఉంటే ఎవరైనా సంపూర్ణ ఆనందకరమైన జీవితాన్ని గడపవచ్చు. మధుమేహాన్ని జయిద్దాం… శ్రేయస్సుతో కూడిన దీర్ఘాయువును పొందుదాం!

समाचार स्रोत

• Punnami Reportingस्वयं की रिपोर्टिंग