గురుదేవోభవ.. గురుశిష్య పరంపరకు నిలువుటద్దంగా జి.ఆర్.టి. జి.వి.కె. విద్యార్థులు
పున్నమి ప్రతినిధి, కడప:
నేటి ఆధునిక కాలంలో సాంకేతికత పెరుగుతున్న నేపథ్యంలో గురువులను గౌరవించే సంప్రదాయం, గురుశిష్యుల మధ్య అనుబంధం క్రమంగా కనుమరుగవుతున్న తరుణంలో జి.ఆర్.టి. జి.వి.కె. (GRTGVK) పాఠశాల విద్యార్థులు సరికొత్త ఆదర్శాన్ని చాటారు.
మన సంస్కృతిలో “మాతృదేవోభవ.. పితృదేవోభవ.. ఆచార్యదేవోభవ” అంటూ గురువుకు దైవంతో సమానమైన స్థానం కల్పించారని విద్యార్థులు తమ ప్రదర్శన ద్వారా చాటిచెప్పారు. గురువుల వేషధారణలో విద్యార్థులు అద్భుతంగా మెరిసి, తమ అభినయం, హావభావాలతో అందరినీ ఆకట్టుకున్నారు.
గురువుల గొప్పతనాన్ని, సమాజ నిర్మాణంలో వారి పాత్రను ప్రతిబింబించేలా విద్యార్థులు చేసిన ప్రదర్శన ప్రత్యేక ఆకర్షణగా నిలిచింది. విద్యాబుద్ధులతో పాటు నైతిక విలువలు, సంస్కారాలను విద్యార్థుల్లో పెంపొందించడంలో జి.ఆర్.టి. జి.వి.కె. పాఠశాల ఎల్లప్పుడూ ముందుంటుందని నిర్వాహకులు తెలిపారు.
నేటి తరం పిల్లల్లో గురువుల పట్ల గౌరవం, శ్రద్ధను పెంపొందించడంతో పాటు, భారతీయ ప్రాచీన గురుశిష్య పరంపర విశిష్టతను భావితరాలకు అందించడమే లక్ష్యంగా ఇటువంటి కార్యక్రమాలను నిర్వహిస్తున్నట్లు తెలిపారు.
జ్ఞానదీపాలను వెలిగిస్తూ విద్యార్థుల భవిష్యత్తుకు బాటలు వేస్తున్న గురువర్యులకు విద్యార్థులు ఈ సందర్భంగా హృదయపూర్వక ప్రణామాలు అర్పించారు.
