संपर्क करें ताज़ा खबरें
सच्ची खबर। तेज़ जानकारी। आंध्र प्रदेश • तेलंगाना • राष्ट्रीय
लेखक पैनल
Blog

హాజరు రిజిస్టర్‌లో డిప్యూటీ తహసీల్దార్ సంతకం ఎక్కడ?

पुन्नमी न्यूज़रूम प्रकाशित:
హాజరు రిజిస్టర్‌లో డిప్యూటీ తహసీల్దార్ సంతకం ఎక్కడ?

खबर की मुख्य बातें

  • 2019 జూన్‌లో రెబ్బెన తహసీల్దార్ కార్యాలయ హాజరుపై అనుమానాలు.
  • ఆఫీసుకు వచ్చారా?
  • సంతకం ఎందుకు చేయలేదు?

2019 జూన్‌లో రెబ్బెన తహసీల్దార్ కార్యాలయ హాజరుపై అనుమానాలు.

ఆఫీసుకు వచ్చారా? సంతకం ఎందుకు చేయలేదు? జీతం తీసుకున్నారా?

ఆర్టీఐ ద్వారా వెలుగులోకి వచ్చిన వివరాలపై విచారణకు డిమాండ్

పున్నమి ప్రతినిధి
రెబ్బెన | 10-08-2026
కొమురంభీం ఆసిఫాబాద్ జిల్లా రెబ్బెన మండల తహసీల్దార్ కార్యాలయంలో 2019 జూన్ నెలలో విధులు నిర్వహించినట్లు పేర్కొంటున్న ఓ డిప్యూటీ తహసీల్దార్ హాజరు రిజిస్టర్‌లో సంతకం చేయకపోవడం ప్రస్తుతం చర్చనీయాంశంగా మారింది. హాజరు రిజిస్టర్‌లో సంతకం లేకపోవడం వెనుక అసలు కారణమేంటనే ప్రశ్నలు ప్రజల్లో వ్యక్తమవుతున్నాయి.
డిప్యూటీ తహసీల్దార్ ఆ సమయంలో కార్యాలయానికి హాజరయ్యారా? ఒకవేళ విధులకు హాజరైతే హాజరు రిజిస్టర్‌లో సంతకం ఎందుకు చేయలేదు? సంతకం లేకుండానే ఆ నెలకు సంబంధించిన జీతం, ఇతర సర్వీస్ ప్రయోజనాలు పొందారా? అనే ప్రశ్నలు తలెత్తుతున్నాయి.
ఈ వివరాలు ఒక వ్యక్తి సమాచార హక్కు చట్టం (RTI) ద్వారా పొందిన సమాచారంలో వెలుగులోకి వచ్చినట్లు తెలుస్తోంది. దీంతో సంబంధిత హాజరు రిజిస్టర్, జీతం చెల్లింపు వివరాలు, విధులకు హాజరైనట్లు నిర్ధారించే ఇతర అధికారిక రికార్డులను పరిశీలించాల్సిన అవసరం ఉందని ప్రజలు కోరుతున్నారు.

సమగ్ర విచారణకు డిమాండ్:

హాజరు రిజిస్టర్‌లో సంతకం లేకపోవడానికి గల కారణాలను అధికారులు స్పష్టంగా వెల్లడించాలని, సంబంధిత కాలానికి సంబంధించిన హాజరు రికార్డులు, జీతం బిల్లులు, విధుల కేటాయింపు ఉత్తర్వులు, కార్యాలయ రికార్డులను పరిశీలించి సమగ్ర విచారణ చేపట్టాలని ప్రజలు కోరుతున్నారు.
విచారణలో నిబంధనల ఉల్లంఘన జరిగినట్లు తేలితే బాధ్యులపై చట్టపరమైన, శాఖాపరమైన చర్యలు తీసుకోవాలని వారు డిమాండ్ చేస్తున్నారు.
RTI ద్వారా వెలుగులోకి వచ్చిన ఈ అంశంపై రెవెన్యూ శాఖ ఉన్నతాధికారులు ఎలా స్పందిస్తారో వేచి చూడాలి.

Leave a comment

Your email address will not be published. Required fields are marked *